Nde Vy'a Mitami
Mitãmi reikovéva pukápe
ha upéi tuichaite ne rasẽ.
Aheka nde vy’a che ñe’ãme.
Che roryse jey nde jave.
Rohechárõ ára hovy guýpe
nderehe py’aro ndoje’ói,
añandu oñepyrũ che ruguýpe
purahéi pytuhẽ che ñatõi.
Kuimba’e rekove arapýpe
jahavévo ipohýi pohyive.
Upévere hi’ánga rendýpe
opu’ã ha ho’a ijeheve.
Mitãmi, nderehe ama’ẽrõ,
ojupi che retére pirĩ.
Kane’õ che kutúva yvýre
pya’ete rembogue chehegui.
Ha upéi ha’ete ipepóva
che ñe’ã ovy’a nendive.
Ha’eténte ku nera’ãrõva
ymaite guivéma ha’e.
Kuimba’e rekove arapýpe
jahavévo ipohýi pohyive.
Upévere hi’ánga rendýpe
opu’ã ha ho’a ijeheve.
Letra: Rudi Torga
Música: Arnaldo Llorens
No hay comentarios:
Publicar un comentario