MBORIAHU MEMBY

Mboriahu memby

Intérprete: Ñamandu

Ymaite guivéma apuraheiséva

Ajohéi haguâ che py'a rasy

Upévare péina anga ambohéra

Verso chu'ími Mboriahu memby.

Itujáko ko mundo, ojero'áitéma

opaite mba'éma iñambuepa

riko opuka, mboriahu hasêma

upéichama oho ko ñáne retâ.

Mboriahu memby hembiapo porârô

Ndaipóriva'erâ jehechakuaa

Ha ríko ra'y kakuaa omondárô

Diariope osêne iñonrradoha.

Mboriahu memby hi' arandumirô

Jaheiháro oikóne omanomeve

Ha riko ra'y tavyron kólirô

Péva karaí mba'e guasuete.

Mboriahu memby toiko mba'apópe

Opa hesasêne okaru haguâ

Ha ríko ra'y jevy'a saingópe

Mboriahu ry'áire oñemoyguatâ.

Mboriahu memby oikóne soldado

Cuartel rembiguái, tukumbo rupa

Ha ríko ra'y ohóne becado

Ko'êrô hetâre opu'â hâguâ.

Mboriahu memby Chácope ohopáne

Movilización oje'evove 

Ha ríko ra'y áutope oguatáne

Kueráigui oguejýne oje' ói oke.

Mboriahu memby oporohayhúrô

Katuete oiméne idefeytoha

Ha ríko ra'y jepe hesatûrô

"upéva che novio", he'i lo kuña.

Mboriahu memby karia'y porâro

Hembirekorâ hasýpe ojuhu

Ha ríko ra'y jepe iñepârô

Chupénte osavi las mitâkuña.

Mboriahu memby guarimi ho'ùrô

Ka'irâme ohóne voi ha pya'e

Ha ríko ra'y litro oisyrykúrô

Âkâ pararrájo ndohechaiete.

Mboriahu memby oñepysângárô

Hese tahachi ikuâ cha'îva'erâ

Ha ríko ra'y ka'úgui ho'árô

Lo poguasukuéra omo'â mo'â.

Ivai ko múndo itujupaitéma

Mboriahúgui opáma yvy'apavê

Ríkope guarâmante henyhêma

Ivosapekuéra ñande ry'aikue.

Letra y Música:

Emiliano R. Fernández