PURAHEI PAHA

Purahei Paha
Intérprete: Los Troveros de América
Canal Youtube: ParaguayPu

"Péina ipahaite aropurahéita ndéve che yvoty
sapy'a reíntemo aha amano ha ndajerevéi
pyhare pyte rehendu ha'óra ku musikapu
eremikena oikomiva'ekue chemoakãnundu.

Pytumby jave ne angue mombyry ojechauka chéve
ohekýi haguã ko che korasõgui mba'e mbyasy
mombyry guive ahesa'yĩjo ñane mborayhu
aipovã haguã ne mborayhupápe purahéi paha.

No olvides mujer mi nombre y mi amor
que llevo la cruz de un hondo dolor.

Sapy'a reínte reikuaaha óra ku amanohague
yvytu pepo oguerúne ndéve che puraheikue
ha ne ñañuãvo oipejuva'erã ku che rataindy
ombogue haguã ne mborayhumi che resape'a.

O ikatu porã ajevy jey ko'ẽramoite
añotỹ haguã ne rovetã guýpe che kusuguemi
ha upépe eréne nañañaiguiha la asẽ aju
añembyesaráivo anga nde hegui che mborayhumi".

Letra: Víctor Montórfano 
Música: José Asunción Flores.

Mburikao

MBURIKAO

Letra: Víctor Montórfano
Música: José Asunción Flores

Intérprete: Los Troveros de América

RECITADO
Ajepa iporâ Mburikao ko nde purahéi
ahendúva osyry mba’e porâita pa’ûme
guyraita ñe’ê ndererohory.
Sauce rakâ puku puku ojero’áva nde ári
amambái, culantrillo ha helechoita
yvytu peju kangymíme oñemyatimóivo
oñakaityrô guáicha nemomaitei.
Yvoty ka’aguy ne añua
arroyo piro’ysâ porâ
ita ygáu ha yvyku’i morotî ári
resyry ñeno pytu’úvo rehóvo
ka’aguy ryakuâvu rei pa’ûme.
Mávapa ndéicha Mburikao
ko yvy apére oikóva otyryry.

Akói arroyo porâ resyry kangymíva chemomandu’a
ajárô guare nde ypype romokunu’û kirîrîhapemi
ita sarambi apytégui arokañynguévo ko nde purahéi
nahi’âiva’ekue chéve chemopîrîmbávo rohendu jave.

Mburikao reguerokañyva’ekue kuehe che vy’a’ŷ
Mburikao reroñapymiva’ekue che anga syry tyaipa.

Mba’e iponderapyva ñaña ndoikuaávai mboriahu ysyry
ndéveko péina apagáta che mbo’e haguére ko nde purahéi
ajéipo oiméne otro ndéicha ko yvy apére oikóva otyryry
ipúpe nanembojojái mbói chini ni ama ni campana porâ.