ROHECHA JEYVO

Rohecha jeyvo

Rohechajey che mborayhumi arete riréma
ha ja ñuguaitĩvo pe che korasõ hatã operere
ñe'ẽ nda topái upéro vy'agui ha'e va'erã ndéve
roipo jopymívo nde pukavýpe che añua

Akói nde porã ne marangatu jepivero guáicha
nde resa jajáire kueheve guaré opáma pochy
angata vai che rete jopýva ymaite guivéma
rohecha jeývo ogüe che hegui che kambá juky

Ma'erã anegata ndaikatu mo'ái la cheresaráivo che nde hegui
ko che anga ku'águi ndo je'o mo'ái nde ma'e rory
ña ñopẽ jeýna ymave guaréicha ñande mborayhu
mokõive ojuehe maymáva vy'a ja hasáva'ekue
taipyahú jey.

Letra y Música: Demetrio Ortiz

NDE RESA KUARAHY’ÂME

NDE RESA KURAHY'ÂME

Sapy'ántepa ikatúne kuarahy pytû akúgui

nde resa kuarahy'ãme aguahê apytu'umi

ndijavyinteva ku chéve ysatî opupúva hína

amambái roky apytépe nde resakuéra mimî.

Pyharépa rehecháva ñasaindy pereperépe

jasymi oike ha osêva araípe oñemo'â

ha ndave ku upeichaitéva rejere ha rejerévo

omimbi ha iñypytûva nde resa kuarahy'â.

Ajuhu mba'e iporâva che py'a guive ahayhúva

yvypórape omoîva jeguakáramo Tupâ

ysyry rendaguemícha hovyû ha ipyko'êva

vevuimínte ahêtuséva nde resa kuarahy'â.

Reikuaáma arohoryva reikuaáma mamoitépa

sapy'a amanoha ára ikatúne che ñoty

che rejántekena Mirna nde resa kuarahy'âme

tosyry jepi anda che ári tapia nde resay.

Letra: TEODORO S. MONGELÓS

Música: JULIÁN ALARCÓN