viernes, 28 de diciembre de 2012

HA MBORIAHU


HA MBORIAHU
Ha mboriahu.
Reisu’úva anga opaite mba’e
Hípa Tupã
Peichaite ra’e orembojoavy
Ha mboriahu
Ñembyasy ha tesay rupa
Ku mayma oĩmevéva mba’asy
Nderehénte ojejapetepa
Ha mitãicha repoñy.
Ha mboriahu
Ipohýi reipykúiva tape
Ha nde py’a
Mamove ndojuhúi pytu’u
Ha mboriahu
Ñandejára tukumbo rupa
Piko aipo ñamanárõ añete
Ñuatĩndýgui ñasẽ ha jaha
Jaipykúivo aña retã.
Mboriahúnte
Pehendúne
Ika’úrõ
Ha imonda
Ha anichéne
Pytu’úpe
Oikovérõ
Pehecha.
Mboriahúnte
Ko yvy ári
Ojapóva
Naiporãi
Ha omanórõ
Ni yvyguýpe
Mboriahúgui
Nahendái.
 Letra: Teodoro S. Mongelos
Música: Emilio Biggi

1 comentario: